Hegaleko lituaniarra eta pibot senegaldarra baja izango dira azken egunetan jasandako lesioengatik.
Tadas Sedekerskisi azken orduetan egindako proba medikoen arabera, lesio muskular bat du eskuin izterreko atzeko aldean. Jokalaria dagoeneko hasi da klubeko zerbitzu medikoekin lanean, eta bere bilakaerak markatuko du noiz itzuliko den taldeko dinamikara. Khalifa Diopek lesioa izan zuen eskuin eskumuturrean talde urdin-gorriaren azken entrenamenduetako batean. Egindako proba medikoek baieztatu dute lesio ligamentario bat duela eta ondorioz senegaldarrak ebakuntza-gelatik igaro beharko du datozen asteetan.
