Baskoniako hegaleko berria gaur goizean izan da aurkeztua komunikabide eta zaleen aurrean Buesa Arenako prentsa aretoan.
Nikosek bere kolore berriak jantzi ditu gaur goizean, Joan Peñarroyak zuzentzen duen taldearen barruan pieza berri gisa egin duen aurkezpen ofizialean. Jokalari greziarra Buesa Arenako prentsa aretoan aurkeztu dute zale talde baten eta bertan zeuden komunikabideen aurrean. 22 urteko hegaleko berriak 17 zenbakia eramango du bizkarrean.
Jokalariarengatik aurretik zegoen interesa goraipatu du Felix Fernandezek prentsaurrekoan: “Aspalditik jarraitzen ari garen proiekzio handiko jokalaria da. Uste dugu gure proiektuari asko eman diezaiokeen jokalaria dela”. Kanpoko jokoa indartzeko egindako fitxaketa: “Jokalari fisikoa, 3 argi bat. Oso pozik gaude berarekin eta ziur gaude taldera bizkor egokituko dela”.
Baskoniako hegaleko berria pozik azaldu da entitate urdin-gorriaren parte izateagatik: “Baskonia jokatzen ikusten dudanean, harrotasunez eta helburu handiak lortzeko anbizioa duten jokalariekin jokatzen duen taldea ikusten dut”. Munduko Txapelketatik energia kargatuta eta Joan Peñarroyaren aginduetara lan egiteko prest iritsi da Nikos: “Jokatzeko prest nago. Partidak hasteko, entrenatzeko eta taldeari laguntzeko irrikaz nago”.
Aurkezpenaren ondoren, Nikosek bere zale berriak ezagutu eta minutu batzuk partekatu ditu beraiekin.
