Buesa Arenak hitza hartuko du Baskoniaren eta Real Madrilen arteko hirugarren neurketarako
Baskonia norgehiagokan mantendu da lehen zatian, baina Chus Mateorenen bigarren zati on batek, urdin-gorriek playoff-eko bigarren neurketan erortzea ekarri du (101-90). Orain, taldea Zurbanoko pabiloira itzuliko da kanporaketan 2 eta 1-ekoa jartzeko helburuarekin. 20 puntu eta 24-ko balorazioarekin, Vanja Marinkovic izan da jokalari urdin-gorri nabarmenena.
Baskoniak irteera ona izan du WiZink Centerren, norgehiagokako lehen abantaila lortuz (2-6). Kanpotik asmatuta, Dusko Ivanovicen gizonek diferentzia mantendu dute. Baina jokaldi on batzuekin, talde zuria aurretik iritsi da bigarren laurdenera (23-21). 5 eta 0-eko partzial batek abantaila handitzea ekarri die Chus Mateoren gizonei. Baina urdin-gorriek erantzun eta aldea bi puntura murriztu dute (39-37) atsedenaldira iristeko hiru minuturen faltan. Aldageletara 46 eta 40-ko markagailuarekin iritsi da.
12 eta 14-ko partzialarekin, neurketa berdinduta mantendu da bigarren zatiaren hasieran. Real Madrilek hutsuneak topatu ditu defentsa urdin-gorrian eta azken laurdenera 11 puntuko aldearekin iritsi da (74-63). Etxeko taldeak martxa bat gehiago jarri du eta Baskonia playoff-eko bigarren neurketan erori da (101-90).
