Talde urdin-gorria abuztuaren 21ean jarriko da martxan proba mediko eta fisikoekin.
Baskonia berria datorren astelehenean jarriko da martxan denboraldi ilusionagarri eta zirraragarriari aurre egiteko. Entrenamenduekin hasi aurretik, jokalariek azterketa medikoak eta proba fisikoak egingo dituzte.
Abuztuaren 21ean eta 22an (astelehena eta asteartea), Joan Peñarroyaren gizonek Saski Baskoniako aseguru etxe mediko ofiziala den IMQ-n egingo dituzte azterketa medikoak. Aldi berean, proba fisikoak egingo dituzte Buesa Arenan. Asteazkenean, hilaren 23an, burutuko dute lehen entrenamendua.
Dena prest Baskonia berria martxan jartzeko. Talde arabarrak ofizialki datorren irailaren 24an hasiko du denboraldia Lugon, Rio Breoganen aurka (17:00).
