Hegaleko madrildarrak 57 neurketa jokatu ditu Cazoo Baskoniako elastikoarekin, horietatik 32 Endesa Ligan izanik eta 25 Euroleaguen.
Europan, talde arabarreko jokalariak 2,7 puntu, 1,8 errebote eta 3,2-ko balorazioa lortu du. 12 puntu, 5 errebote eta 16-ko balorazioarekin, AS Monakoren aurka jokatu zuen bere partidarik onena Dani Diezek.
Endesa Ligan jokaturiko 32 norgehiagoketan, Dani Diezek 4,8 puntu, 2,8 errebote eta 6,6-ko balorazioa erdietsi du. Hiruko jaurtiketetan %45,7-ko portzentaia izanik, 6,75-eko marratik taldeko bigarren jokalari eta txapelketa osoko hirugarren jokalari fidagarriena izan da. 12 puntu, 7 errebote eta 20-ko balorazioarekin, Coviran Granadaren aurka jokatu zuen bere neurketarik onena Dani Diezek.
