Euroleagueko denboraldi honetan 68 hiruko erdietsita, txapelketako liderra da esparru honetan
Zalantzarik gabe, Markus Howard Cazoo Baskoniaren erreferenteetako bat bihurtu da aurtengo denboraldian. Endesa Ligan zein Euroleaguen bere jokoaren berri eman du. Azken txapelketa honetan, hiruko saskiraketen sailkapeneko liderra da.
Denboraldi honetan jokatu dituen 23 partidatan, joko-antolatzaile estatubatuarrak 68 hiruko erdietsi ditu. Zifra honekin, txapelketako hiruko egilerik onena da, bigarren kokaturik ageri den Vasilije Micic-i hamar hiruko ateraz.
Markus Howardek historia egiten jarraitu nahi du lehiaketa kontinentalean, taldeari garaipen garrantzitsuak lortzen lagunduz. Estatubatuarraren puntuak garrantzitsuak izango dira Cazoo Baskonia Play Off postuetan mantentzeko.
