Kontzertuak, argi ikuskizunak eta ezuzteko ugari protagonista izango dira berriro Surne Bilbao Basketen aurka Buesa Arenan jokatuko den denboraldiko lehen neurketan.
Zurbanoko pabiloiak datorren irailaren 30ean irekiko ditu bere ateak (18:00), Endesa Ligako denboraldiko lehen derbian. Saskibaloia, zuzeneko emanaldiekin eta pabiloi oso bat Buesa Arenako 23-24 denboraldiaren inaugurazio festa handian inplikatuko duten ekintzekin nahastuz, zaleak harrituko ditu talde gasteiztarrak.
Zurbanoko Pabiloiak itxura ikusgarria izango du eta hainbat orduz, dibertsioaren eta ikuskizunaren epizentroa izango da, denboraldiko ekitaldirik esperotakoenetako batean. Baskonia eta Surne Bilbao Basketen arteko norgehiagoka hasi baino lehen (18:00), hainbat jardueraz gozatzeko aukera izango da.
Une garrantzitsuenetako bat taldearen aurkezpenean iritsiko da. Bertan, modu oso berezi batean, zaleek, Baskonia berriko jokalari guztiei harrera egingo diete.
Musika emanaldiak
Partidan zehar eta ondoren, zaleek musika emanaldiez gozatzeko aukera izango dute, laster iragarriko diren artista ezagunen eskutik.
Sarrerak salgai
Buesa Arenako ikuskizuna lehen pertsonan bizi nahi duten zale guztiei irekiko die ateak Saski Baskoniak. Arratsalde-gau ahaztezina bizitzeko sarrerak 9 €-tik (haurrak) eta 15 €-tik aurrera daude eskuragarri. ZURE SARRERAREKIN EGIN ZAITEZ.
Joan den denboraldian Baskoniako zaleen artean hain harrera ona izan zuen ikuskizuna jarraitzearen alde egin du talde arabarrak. Denboraldia hasteko, ekitaldi paregabe eta ahaztezina hartuko du Buesa Arenak.
