Baskoniako abonatuek Buesa Arenan eta Baskonia-Alaves Experience Storen eskuratu ahal izango dute ostegun honetatik aurrera Kopako animazio kita.
Gutxi falta da Baskoniazaleek gehien espero duten uneetako bat bizitzeko. Otsailaren 11tik 14ra izango da WiZink Centerren Saskibaloiko Errege Koparen edizio berri eta berezi bat. Urtero bezala, Gasteizko taldeko abonatuek opari esklusibo bat izango dute, urrunetik animatzeko eta txapelketan parte hartzeko.
Otsailaren 10etik (asteazkena) aurrera, Baskoniako abonatu guztiek kamiseta, bufanda, eta TIRA XK NOS TOCA joko esklusiboa izango dute opari bezala, etxetik ondo pasatzeko eta, beste urte batez, Kopako-ko txapelketan parte hartzeko.
Opari hauek bi lekutan hartu daitezke. Buesa Arenako 7. eta 8. dorreetan (8: 00etatik 10: 00etara) eta (14: 00etatik 20: 00etara); Baskonia-Alavés Experience Store dendan berriz, (10: 30etik 13: 30era) eta (16: 30etik 20: 00etara). Garrantzitsua: kita jasotzeko, osasun-egoera dela eta, nahitaezkoa da hitzordua eskatzea, pilaketak saihesteko.
iDENTIFIKAZIOA
Kit-a segurtasunez entregatu ahal izateko, puntualtasuna eskatzen da hitzorduaren ordutegian. Bilketa-puntu bakoitzaren sarreran, posta elektronikoz jasotako izena emateko frogagiria erakutsi beharko da, inprimatuta edo mugikorrean erakutsiz. Entregatzeko unean NANa edo abonatu-txartela erakutsi beharko dira.
Beste pertsona baten kit-a ere jaso ahal izango da, beste hitzordu bat erreserbatu gabe. Familia-unitate berekoa izanez gero, heldu baten identifikazioa baino ez da beharko. Aitzitik, familia-unitate berekoa ez bada, kitaren jabearen NANa eta denboraldi honetako abonuaren kopia eraman beharko da, inprimatuta edo mugikorrean.
KAMISETEN TAMAINA
Gomendagarria da kotoizko kamiseten tailen gida berrikustea hitzordura joan aurretik, COVID protokoloa dela eta ezingo baitira probatu edo ukitu.
Segurtasun-arrazoiak direla eta, derrigorrezkoa da maskara eta gel desinfektatzailea erabiltzea establezimendu bakoitzaren sarreran, eta beste bezero batzuekiko gutxieneko segurtasun-distantzia errespetatzea, 1,5 metrokoa.
Buesa Arena
08:00etatik – 10:00etara
14:00etatik – 20:00etara.
Baskonia Alavés Experience Store
10:30tik – 13:30etara
16:30etatik – 20:00etara
