Baskonia zaleek gehien espero duten momentuetako bat prestatzen ari da, klubeko legenda baten omenaldia.
Gau berezia biharkoa Buesa Arenan. Luis Scolak, klubeko jokalaririk enblematikoenetako batek, omenaldi hunkigarria jasoko du, Baskoniaren historiari hainbeste poz ekarri zizkion elastikoaren erretiroan. Argentinarraren 4 zenbakia pabiloiaren gorenean geratuko da betiko, Prigioni, Vidal eta Rakocevic taldekideen elastikoekin batera.
Europako txapelketako 6. jardunaldian, Zurbanoko pabiloiak Baskoniaren eta Partizanen arteko lehia hartuko du. Gainera, Dusko Ivanovicen laugarren etapako lehen partida izango da. Chris Chiozzak, talde arabarreko joko-antolatzaile berriak, urdin-gorri bezala debutatuko du zaleen aurrean.
Minutuz minutu
20:15etan zale guztiek eserlekuak har ditzaten gomendatzen da, Baskoniaren eta Partizanen (20:20) aurkezpenak baino lehen. Behin hau amaitutakoan, gaueko momenturik handienari emango zaio txanda.
Luis Scolak, bere familiarekin batera, elastiko urdin-gorria jantzi zuen zazpi denboraldietan hain zoriontsu egin zuen pabiloia zapalduko du berriro. Scolak txalo zaparrada jasoko du eta bere kamiseta Buesa Arenako gailurreraino igoko da. Une magiko horretan, ikusle guztien mugikorren argiak piztera animatzen da, pabiloian giro oso berezia sortzeko.
Zaleen bihotzean betirako geldituko den ekitaldi historikoa.
19:30h: Ateen irekiera
20:15h: Guztiak eserlekuetan
20:20h: Taldeen aurkezpenak
20:23h: Luis Scolaren kamisetaren erretiroa
20:29h: Euroligako ereserkia
20:29:30h: Txaloa
20:30h: Neurketaren hasiera
