Baskoniak Joventuten aurka neurtuko ditu indarrak neurketa garrantzitsu batean Endesa Ligako PlayOff-etako borrokan jarraitzeko.
Asvel aurka Euroleagueko 14. garaipena batu ondoren, Dusko Ivanovicen gizonek Endesa Ligan jartzen dute begirada. Aratusteetako asteburu honetan, Baskoniak Badalonako Joventuten bisita jasoko du (igandea, 17:00). Urdin-gorriek bigarren garaipen batekin itxi nahi dute astea, geldialdira sentsazio onekin iristeko.
9º Baskonia (12 garaipen eta 9 porrot): Dusko Ivanovicen gizonek Endesa Ligako garaipen berri batekin itxi nahi dute astea. PlayOff-etako borroka gogorrean, Baskoniak aurrerapauso garrantzitsua eman nahi du zaleen aurrean. Talde gasteiztarra 5 punturengaitik erori zen joanekoan, beraz, alde handiagoarekin neurketa irabazteko garaipen bikoitza izango litzateke.
10º Joventut (12 garaipen eta 9 porrot): Badalonako taldea momentu onean iritsiko da Gasteizera Endesa Ligako azken lau norgehiagokak irabazi ondoren. Evans, Feliz eta Tomic bezalako jokalariak dira Carles Duranek zuzentzen duen taldearen piezarik garrantzitsuenak. Badalonakoek Gasteiztarren helburu berdina dute: Buesan garaipena lortu.
Endesa Ligako bi talde historikoen arteko lehia. Guztira 115 aldiz neurtu dituzte indarrak, 48 garaipen eta 66 porroteko balantzearekin baskoniarentzat.
