Ostegun honetan, Baskoniak Alba Berlinen aurka jokatuko du Euroleagueko bigarren jardunaldian eta igandean Casademont Zaragozari egingo dio bisita.
Granadaren aurka garaipena lortu ondoren, talde gasteiztarrak exigentzia handiko astea hasiko du. Ostegun honetan (20:00), Joan Peñarroyaren gizonek Alba Berlinen aurka jokatuko dute Mercedes Benz Arenan. Igandean (17:00), Zaragozara bidaiatuko dute etxeko txapelketan garaipen berri bat lortzeko helburuarekin.
Turkish Airlines Euroleagueko bigarren jardunaldia. Estreinekoan Real Madrilen aurka erori ondoren, Baskoniak Alemaniara bidaiatuko du europako lehen garaipenaren bila. Israel Gonzalezek zuzentzen duen taldeak bost fitxaketa egin ditu uda honetan: Sterling Brown, Matt Thomas, Ziga Samar, Justin Bean eta Matteo Spagnolo.
Igande honetan (17:00), Baskoniak Endesa Ligako bosgarren neurketa jokatuko du Zaragozan. Bi taldeek aurre-denboraldian neurtu zituzten indarrak eta Baskonia atera zen garaile. Txapelketako sailkapeneko postu nobleetan mantentzeko aukera urdin-gorrientzat.
