Cazoo Baskoniak Kanariar irletara bidaiatuko du Kanaria Handiaren aurka jokatzeko
Joan Peñarroyaren gizonak Kanaria Handira joango dira igande honetan, 18: 30ean, Kanarietako taldearen aurka jokatzeko. Ostiralean FC Bayernen aurka garaipena lortu ostean, Cazoo Baskoniak etxetik kanpo irabazten saiatuko da. Arabarrak sendo ari dira Buesa Arenan, baina hobetzeko tartea dute kanpoko norgehiagoketan, jokaturiko azken lau partiduak galdu dituztelako. Igande honetan, etxean erakutsitako momentu ona islatzen ahaleginduko dira Joan Peñarroyaren gizonak.
5. Kanaria Handia (7 garaipen eta 3 porrot): Jaka Lakovicek zuzentzen duen taldea sasoi onean iritsiko da norgehiagokara, nahiz eta Surne Bilbao Basketen aurkako azken partida galdu. Lehen 10 partidetatik, 3tan bakarrik ikusi du porrota. Etxean indartsu aritzen den taldea da, denboraldi osoan zehar porrot bakarra izan du bere etxean. Kanaria Handiak bere taldea sendotu du 4 jokalari berrirekin: Jovan Kljajic, Ferran Bassas, Victor Benite eta Damien Inglis. Azken hau da beraien jokalaririk baloratuena 9.2 puntu, 5.7 errebote, 2.3 asistentzia eta 13,6ko balorazioarekin.
6. Cazoo Baskonia (7 garaipen eta 3 porrot): Joan Peñarroyaren gizonek etxetik kanpo garaipena lortzea behar dute, etxeko azken hiru partidak irabazi ostean, Gironaren eta Murtziaren aurka sentsazio onak utziz. Tadas Sedekerskisek Bayern Munichen aurka berragerpena egin ostean, Joan Peñarroyak jokalari guztiak izango ditu bere aginduetara.
Cazoo Baskoniak eta Kanaria Handiak 78 aldiz neurtu dituzte indarrak, eta garaipenen balantzea 24koa izan da kanariarrentzat eta 54koa euskaldunentzat. Igande honetan (18.30h) markagailuan beste garaipen bat lortzea eta sailkapenean aurrera egitea izango dute helburu. Arabarrek etxetik kanpoko sentsazioak berreskuratu behar dituzte Turkian Anadolu EFESen eta Fenerbacheren aurkako partidei ekin baino lehen.
