Talde arabarrak 33 asistentzia banatu zituen LDLC Asvelen aurka.
Buesa Arenak beste gau magiko bat bizi izan zuen atzokoan. Joan Peñarroyaren gizonek 120 eta 100-eko markagailuarekin irabazi zioten LDLC Asveli, talde arabarreko bi errekor berri ezarriz (saskiraketak eta asistentziak) Europako txapelketako partida batean. 11 mila zaleren aurrean, Cazoo Baskoniak garaipen garrantzitsua lortu zuen, 33. jardunaldiz zortzi talderik onenen artean mantenduz.
120 puntu lortzeaz gain, Euroleagueko partida bakar batean lorturiko asistentzia errekorra ezarri zuen talde arabarrak 33-rekin. Aurreko marka 2019ko martxoaren 8an lortu zen, Khimkiren aurka 31 asistentzia banatuta. Bertan ere, 100 puntuko langa gainditu zuen Baskoniak (104.86).
Partidako jokalari onena izan zen Darius Thompsonek eman zituen asistentzia gehien (12). Honez gain, 23 puntu eta 36-ko balorazioa lortu zituen joko antolatzaile estatubatuarrak.
