Dusko Ivanovicen gizonek ezin izan dute talde kataluniarra gainditu.
Neurketa hasiera zail batek Baskoniari galarazi egin dio markagailuan aurretik jartzea eta azkenean ezin izan du garaipen berri bat lortu Endesa Ligan. 16 puntu, 9 errebote eta 26-ko balorazioarekin, Chima Moneke izan da jokalari urdin-gorri nabarmenena.
Joventutek hartu du lehiaren agintea lehen minutuetan (2-10), Dusko Ivanovicen hutsartea eraginez. Baskoniak erantzun eta aldea murriztea lortu du lehen laurdena lau puntu behera amaitzeko (18-22). Carles Duranenak agintea berreskuratu eta diferentzia handitzea lortu dute (24-39). Gasteiztarrek hutsuneak topatu dituzte kataluniarren defentsan eta gerturatzea lortu dute bigarren zatiari begira (36-43).
Aldageletatik bueltan, Baskoniak puntuak pilatzen jarraitu ditu eta 7 eta 2-ko partzial batekin, aldea bi puntura murriztea lortu du (43-45). Azken laurdenera 55 eta 64-ko markagailuarekin iritsi da. Costelloren gidaritzapean, etxeko taldea berriz ere bi puntura hurbildu da (74-76) neurketa amaitzeko hiru minuturen faltan. Azkenean, Baskonia Joventuten aurka erori da (78-81).
