Talde gasteiztarra etxera itzuli da Lyonen garaipena lortu ondoren Valentzia Basketen aurka Endesa Ligako hurrengo jardunaldia jokatzeko.
Alex Mumbruk zuzentzen duen taldeak Buesa Arena bisitatuko du etxeko txapelketako hamargarren jardunaldian. Exigentzia handiko neurketa Euroleagueko jardunaldi bikoitzaren ondoren. Norgehiagoka Zurbanoko pabiloian jokatuko da igande honetan (17:00). Endesa Ligako bolada txarra amaitzeko eta garaipen berri bat erdiesteko aukera arabarrentzat.
12º Baskonia (4 garaipen eta 5 porrot): Europako txapelketan meritu handiko bi garaipen lortu ondoren, Dusko Ivanovicen gizonak etxera itzuliko dira asteko azken neurketa jokatzeko. Talde euskaldunak sailkapenean aurrera egiteko balioko dion garaipena lortzeko borrokatuko du. 17,7 punturekin, Markus Howard da Endesa Ligako saskiratzaile nagusiena.
3º Valentzia Basket (7 garaipen eta 2 porrot): Alex Mumbruk zuzentzen duen taldeak ondo hasi du denboraldia, 7 garaipenekin eta 2 porrotekin hirugarren postuan jarriz. Real Madrilen eta Bartzelonaren aurkako Euroleagueko neurketak galtzetik iritsiko dira valentziarrak norgehiagokara. 12,5 puntu, 5,3 errebote eta 17-ko balorazioarekin, Brandon Davis da talde jokalaririk nabarmenena.
Baskonia astea modurik hoberenean amaitzeko helburuarekin iritsi da etxera. Bi taldeek 86 aldiz neurtu dituzte indarrak eta horietatik 57tan, atera dira garaile arabarrak.
