Gaur Araba gunean ADELAk hartzen du lekua, albo esklerosi amiotrofikoa duten gaixoen eta beren familien elkarteak. Entitate honekin sortu zen gizartean ELA gaixotasuna pairatzen edo gertutik bizitzen ari direnen ahots berria. Elkartearen helburuak dira laguntza neurologiko zentralizatua lortzea, talde bakarrean biltzea mediku laguntzako zerbitzuak –fisioterapeutak, logopedak eta psikologoak– eta laguntza prestazioak hobetzea; autolaguntzako taldeak sustatzea, beharra duten pertsona guztiengana gure inguru hurbilenean iristea eta, azken finean, beren bizi kalitatea hobetzea, laguntza morala ere emanez.
Gonbidapen honekin, Foru Aldundiak elkarte horren ezagutza egin nahi du, gaixotasun hori dutenen kolektiboari eskaintzen dion lan sozial garrantzitsu horrengatik.
