14.000 pertsona baieztatuta daudelarik, Buesa Arena denboraldiko lehen betealdira gerturatzen ari da.
Beste denboraldi batez, Zurbanoko Pabiloiak gau magiko bat biziko du. Opening Game-rako hiru aste baino gehiago gelditzen direnean, 1.000 sarrera baino gutxiago gelditzen dira salgai eta I, II eta III mailak agorturik daude. Buesa Arenak ekitaldi magiko bat biziko du 23-24 denboraldiari hasiera emateko.
Bigarren urtez jarraian, baskoniako zaleek erantzun bikaina eman dute eta dagoeneko 14.000 pertsona baino gehiago baieztaturik daude baskoniaren proiektu berriaren estreinaldirako.
Ekitaldia 16.30etan abiatuko da eta zaleek Viccoren, Maldita Nerearen eta Juan Maganen musika emanaldiekin gozatu ahal izango dute. Era berean, LED argi-elementuak eta sorpresa gehiago daude prestaturik. Endesa Ligako hirugarren jardunaldiari dagokion Baskoniaren eta Bilbao Basketen arteko derbia 18: 00etan hasiko da.
EKITALDIA MINUTUZ MINUTU
16: 30etatik aurrera irekiko dira Buesa Arenako ateak Opening Game-ko ekitaldi handiari hasiera emateko. Irekiera show-ari taldearen aurkezpenarekin emango zaio hasiera. Bertan, Baskoniako pabiloia milaka LED eskumuturrekoekin argiztatuko da, nazioarteko kontzertu onenen argi eta soinu ikuskizun baten pare.
Zurbanoko Pabiloian jokatuko den denboraldiko lehen neurketa 18.00etan hasiko da. Juan Maganek musika ukitua emango dio atsedenaldiari, Bilbao Basketen aurkako partida amaitzean izango diren kontzertuen atariko txiki batekin.
Neurketa amaitzean, saskibaloi pista eszenatoki batera pasako da hiru musika emanaldi handiz gozatzeko.
Viccok emango dio hasiera Buesa Arenako partidaren ondorengoko jaiari, Nochentera bezalako kantuekin gozatuz. Emanaldiaren ondoren, Maldita Nerea talde ezagunari emango diogu bide, eta Juan Maganek Zurbanoko pabiloiko pista hartuko du berriro, Opening Gameko ekitaldi handiari amaiera emateko. Modurik hoberenean emango diogu amaiera sei ordu baino gehiagoko ekitaldiari.
1.000 sarrera baino gutxiago salgai eta 14.000 pertsona baieztatuta egun ahaztezin baterako. Ekitaldirako sarrerak 15€-tik aurrera (helduak) eta 9-tik aurrera (haurrak) daude salgai.
