Espainiako lehen telebista fabrikatzailea Saski Baskoniaren title sponsor berria izango da 2024ra arte, eta horrenbestez, enpresa madrildarrak izena emango dio lehen talde gorri-urdinari.
Hemendik aurrera eta 2024ra arte, TD Systems izango da Saski Baskoniaren babesle nagusia. Akordio honen bitartez, talde gasteiztarra TD Systems Baskonia deitzera pasako da Endesa Ligan eta Turkish Airlines Euroleaguen.
Haien sektoreetan erreferenteak diren erakunde hauen arteko batasunak aro berri bat irekitzen du klub gasteiztarrean. Kolaborazio honek Saski Baskoniari proiektu sendo bat bermatzen dio TD Systemsek bere marka nazioartean hedatzen duen bitartean. Saski Baskoniak enpresa madrildarraren izena Europa osotik zehar zabalduko du.
Hain zuzen ere superazio espiritu horrek, esfortzuarekin eta nortasun inkonformistarekin batera, Saski Baskoniaren eta TD Systemsen bideak batu ditu. Bi erakundeek helburu handiei egingo diete aurre. Kirol mailan Europako talde boteretsuenak izango dituzte aurrez aurre, eta kontsumo-elektronikaren sektoreari dagokionez, enpresa multinazional askoren aurka lehiatu beharko dute.
Bi txapelketetan taldeari izena emateaz gain, TD Systems joko, beroketa eta paseorako kamiseta ofizial guztien aurreko aldean egongo da presente. Klubaren gainontzeko medio digital zein fisikoetan ere presentzia handia izango du enpresa madrildarrak. Honetaz gain, enpresaren logoa Fernando Buesa Arena pabiloian izango da eta 5+11 Fundazioaren Ohorezko Kide gisa parte hartuko du TD Systemsek.
Espainiako lehen telebista fabrikatzailea
Teduinsa 1985ean sortu zen estatuko lehen informatika enpresetako bat bezala, eta ondoren, TD Systems marka propioa sortu zuen, gaur egun Espainiako lehen telebista fabrikatzailea alegia. Bere kapitalaren %100a espainiarra da eta Madrilen du bere egoitza soziala. Enpresak Cosladan duen ekoizpen fabrikan ehunka langile enplegatzen ditu zuzenean eta zeharka. Bere arrakasta negozio estrategian oinarritzen da, kalitate handiko zerbitzua eta prezio lehiakorrak konbinatuz. Saltoki handietan eta www.tdtienda.es denda ofizialean aurkitu ditzakezu bere produktuak.
