Zurbanoko pabiloiko animazio taldeak hurrengo denboraldiari begira talentu berriak sartzeko hautaketa prozesua ireki du.
Dantzarako grina baduzu, adinez nagusia bazara eta Buesa Arenako ikuskizuna barrutik bizi nahi baduzu, zure aukera da. DT Audi Alzaga dantza multzoa artista berrien bila dabil, Gasteizko taldearen neurketa bakoitzean erritmoa jartzen duen taldea handitzeko.
Parte hartzeko, bidali zure curriculuma, portfolio artistikoa edo prestakuntza zehatza eta zure emanaldietako baten bideoa dancingteam@baskonia.com helbide elektronikora. Hautagaitzak aurkezteko epea gaurtik, 2025eko ekainaren 24tik, uztailaren 18ra arte egongo da zabalik.
Izena emateko epea amaituta, uztailaren 19an edo 26an egingo den saio presentzialera joateko deia egingo zaie izangaiei, parte-hartzaileen prestasunaren arabera. Anima zaitez!
