Datorren asteazkenean, maiatzak 17, gizonezkoen eta emakumezkoen taldeek erakustaldi-partida jokatuko dute Zurbanoko Pabiloian.
Baskonia Mixed Ability, Bihotzeko Endesa Liga programako bost finalistetako bat da. Gasteizko klubak bi denboraldi baino gehiagoz egin duen lanaren aitorpena.
Bihotzeko Endesa Liga programako finalera iristeak indartu egiten du kirolaren barruan desgaitasunen bat duten eta ez duten pertsonen arteko bizikidetzarako gune bat irekitzeko espiritua.
Datorren asteazkenean, maiatzak 17, 2022/23 denboraldiari amaiera emango diogu Fernando Buesa Arenan. Emakumezkoen taldeak Ecagas talde seniorraren aurka jokatuko du 17: 30ean eta gizonezkoenak aldiz, Saskijaunaren aurka 19:00etan. Senitarteko eta lagunen babesa izateaz gain, bi taldeak apur bat sakonago ezagutu eta animatzera hurbildu nahi duten publiko guztiarena ere izango dute.
Baskonia Mixed Ability-ren helburua kirolaz pentsatzen, parte hartzen eta gozatzen dugun modua errotik aldatzea da, gizartea bidezkoagoa eta berdintasunezkoagoa izan dadin. Proiektu honekin, desgaitasunak dituzten eta ez dituzten pertsonentzako kirolaren kontzientzia eta ezarpen positiboa sustatu nahi ditu Baskoniako erakundeak.
Bi taldeek mundu justuago bat eraikitzeko helburu argia dute. Kezka horrek urteak daramatza arabako klubean, eta saskibaloia bezalako kirol baten bidez gizartea hobetzea du helburu. Joan den denboralditik bi talde ditugu eta funtsezko zutabeak inklusioa, berrikuntza eta kalitatea dira.
