BAKH PIN-era bertaratu diren umeek promozio esklusiboa izango dute partiduan haurrentzako zein helduentzako sarreretan.
Endesa Liga Buesa Arenara itzuliko da urtarrilak 4an -igandea, arratsaldeko 19.00tan-. 2015 Errege Kopa oso hurbil dagoela kontuan izanda, Movistar Estudiantesen aurkako neurketak garrantzi handia izango du. Gainera talde madrildarra oso talde arriskutsua da, honen erakusgarri aurtengo denboraldian Bartzelonaren eta Real Madrilen aurka lortu dituen garaipenak.
Publiko infantilarentzat oso zita berezia izango da, Txirri Mirri eta Txiribiton pailazoak Estudiantesen aurkako partiduaren aurretikoan izango baitira. Buesa Arena arratsaldeko 17.00tan zabalduko da eta pailazoen ikuskizuna (euskaraz izango da) 17.30tan hasiko da. Ikuskizuna 45 minutukoa izango da, baina espektakuluak pabilioiko pasilloetan jarraituko du pailazoen eta Akerren presentziaz.
Oporretan eta Errege Magoen etorrera bereziaren bezperatan izango dela kontuan izanik, plana oso erakargarria izango da etxeko txikienentzat.
PIN-eko erabiltzaileentzat promozio berezia
Gabonetako PIN-era bertaratutako ume guztiek sarrera paketeak -infantila+heldua- 6 eurogatik (IV Nibelean) edo 12 eurogatik (III Nibelean) eskuratzeko aukera izango dute. Sarrera gehigarriak 4 eurokoak (IV Nibela) eta 10 eurokoak (III Nibela) izango dira.
